防火冷知識 - 到底揀英標定歐標防火門

就現時來講，香港政府部門沿用緊既防火標準有兩種: 英國標準 (BS 476) 和歐盟標準(BS EN)。香港曾作為英國殖民地，自自然然一路沿用著英國標準(BS476)。但BS 476一直為人詬病標準過時，所以係2011年屋宇署頒布佐新既防火規范守則 (Code of Practice for Fire safety in Buildings 2011)，要求所以2012年之後落成既樓宇要遵從要求更為嚴謹既歐盟防火標準(BS EN)。

問：「到底英標(BS 476)同歐標(BS EN 1634)防火門有咩唔同？」答：「最基本既分別，就係歐標防火門在結構上加多佐防煙條同防煙閘。當發生火災時，可以形成有效保護層，阻隔200度的濃煙穿透，為消防員救援爭取時間。而耐火要求既條件更苛刻，測試中歐標(BS EN)既爐火溫度同氣壓比英標(BS 476)⾼。」

問：「到底點知物業既門需要具備咩防火規格？」答：「要睇返原樓宇圖則決定要唔要用防火門，需要什麼規格。建議向管理公司或專業人士查詢，有興趣亦可以上屋宇署既『百樓圖網』查看。通常來講，家居大門同廚房門需要有一小時既防火時效。而工商大廈普遍就要二小時，部分位置例如危險倉更需要四小時防火時效。」

問：「點解市面上木門公司既售賣既防火門比普通木門貴咁多？」答：「無論係英標定歐標防火門，佢地既用料和工序要求比普通木門繁複，所以價錢會相對昂貴。但最大既原因係一般木門公司根本無資源去生產防火門（淨係做防火門測試都要投資過百萬)，所以通常會外判防火門生產線俾專業既防火建材公司/廠商。」