搜尋

隨著呢幾年防火安全意識嘅增強，唔少客人過來揀大門同廚房門嘅時候，除佐外型同款式，都會考慮埋佢地嘅防火性能。既然大家對防火門充滿迷思，今日我地就一一解答返點為之一度合規格既防火門。 1.最少一個鐘嘅防火時效防火門其中一個重要嘅因素就係完整性(Integrity)，簡單來講就係佢俾猛火燒嘅時候，可以係指定時間內唔會發生變形，阻隔火勢蔓延去門既另一邊，為逃生和消防員救援爭取時間。市面上嘅防火門耐火時效由半小時到四小時不等。通常來講，家居大門同廚房門都需要一小時既防火時效。 2.良好既隔熱性能另一個防火門要具備既因素就係隔熱性 (Insulation)，姐係要有效咁減少傳熱。在指定時間內要滿足兩個要求：1) 非受火面既最高溫度唔可以超過室溫加180度；2）非受火面既平均溫度唔可以超過室溫加140度。 3.高品質防火防煙條通常而言，門框(Door Frame) 或門扇(Door Leaf) 既邊位會鑲嵌防火條。當遇上猛火燃燒時，防火條(Fire Seal) 會遇熱膨脹，填封門扇同門框之間既縫隙。而歐盟標準(BS EN)防火門更會有埋防煙功能。佢底部既防煙閘同防煙條(Smoke Seal) 可以形成有效保護層，阻隔濃煙穿透。 4.防火芯料同普通木門相比，防火門門芯都會有木質骨架，但入面用佐防火物料做填充物。常見的門芯物料有珍珠岩，隔熱棉。兩邊表層木皮下面更會加多1至2層約5.5mm厚既防火板(Fire-rated Board)，所以防火門較一般實心門，空心門更加扎實同穩固。 5.識得自動關門一般來講，防火門門頂都會裝上一個「關門器」(Door Closer)。在任何時候防火門都能自動關閉，係防火安全既概念上尤為重要。「關門器」有分明氣鼓同暗氣鼓呢兩種，暗氣鼓既價錢相對貴一啲，但因為可以藏係門⾝入面，所以適合對美觀有要求既客人。

就現時來講，香港政府部門沿用緊既防火標準有兩種: 英國標準 (BS 476) 和歐盟標準(BS EN)。香港曾作為英國殖民地，自自然然一路沿用著英國標準(BS476)。但BS 476一直為人詬病標準過時，所以係2011年屋宇署頒布佐新既防火規范守則 (Code of Practice for Fire safety in Buildings 2011)，要求所以2012年之後落成既樓宇要遵從要求更為嚴謹既歐盟防火標準(BS EN)。 問：「到底英標(BS 476)同歐標(BS EN 1634)防火門有咩唔同？」答：「最基本既分別，就係歐標防火門在結構上加多佐防煙條同防煙閘。當發生火災時，可以形成有效保護層，阻隔200度的濃煙穿透，為消防員救援爭取時間。而耐火要求既條件更苛刻，測試中歐標(BS EN)既爐火溫度同氣壓比英標(BS 476)⾼。」 問：「到底點知物業既門需要具備咩防火規格？」答：「要睇返原樓宇圖則決定要唔要用防火門，需要什麼規格。建議向管理公司或專業人士查詢，有興趣亦可以上屋宇署既『百樓圖網』查看。通常來講，家居大門同廚房門需要有一小時既防火時效。而工商大廈普遍就要二小時，部分位置例如危險倉更需要四小時防火時效。」 問：「點解市面上木門公司既售賣既防火門比普通木門貴咁多？」答：「無論係英標定歐標防火門，佢地既用料和工序要求比普通木門繁複，所以價錢會相對昂貴。但最大既原因係一般木門公司根本無資源去生產防火門（淨係做防火門測試都要投資過百萬)，所以通常會外判防火門生產線俾專業既防火建材公司/廠商。」

大家還記得2016年6月牛頭角迷你倉發生四級火警嗎？那一場火災燒了整整五日四夜，期間更有兩名消防人員因此殉職，引發公眾對樓宇消防安全既關注。因此，消防處同屋宇署人員加緊對綜合用途樓宇的巡查，並對不合規格既樓宇發出消防安全指示（樓宇維修界俗稱「572命令」) ，要求業主/法團在指定期間內進行消防改善工程。一般來講，消防處會檢查有無合規格消防裝置及設備，例如消防喉嚨，火警鐘掣等；而屋宇署則針對耐火結構如防火門，防火窗規格是否跟從原圖則。我們這次會集中討論返屋宇署頒發既「572命令」。 問：「唔遵從屋宇署572命令會有咩後果？」答：「屋宇署572命令係法定命令，唔遵從既話屬刑事罪行，會受高刑罰監禁1年及罰款港幣200,000元。屋宇署有機會指示政府承建商代為執行，之後向業主/ 法團追討工程費用。2020年1月，尖沙咀一商住大廈業主拒絕清拆天台僭建物而被罰款逾11萬元。為免被檢控，收到命令後都⿎勵盡快執行相關工程。」 問：「政府有無相關工程資助？資助詳情係點？」答：「政府早於2017年動用20億元推出『消防安全改善工程資助計劃』，為合資格既舊式商住樓宇業主提供最多六成工程和顧問費用的資助。而在2019年10月的最新措施，政府更為呢個計劃加碼35億元，估計將會有3500棟樓宇受惠。但值得留意的是，資助計劃僅包括樓宇的公用地方(eg.逃生通道，地下大堂)，涉及私人物業範圍內既消防工程不在此計劃內。」 問：「有邊啲常見既防火改善工程？施工程序係點？」答：「更換防火門，更換固定防火窗，為逃生樓梯既電線&電錶設置防火圍封物，在樓梯最高位置開通風口。工程承建商會提交相關防火測試報告，門窗圖紙及樣板供業主/法團和顧問審批，經同意後方可施工。而更換防火窗和開設通風口更需搭建棚架和入小型工程。」 （思維防火建材提供「一站式」防火工程服務，已為過百棟樓宇解除572命令） 問：「點先為之解除屋宇署572命令？」答：「完成防火改善工程後，向有關工程承建商索取防火門，防火窗同防火板圍封既防火證書及測試/評估報告。之後提交證明文件副本俾屋宇署防火規格組及約時間進行驗收。通常屋宇署人員視察確定遵從後一個月左右會寄『滿意紙』俾相關業主/法團。」 （坊間出現不少「爛尾」的防火工程，主要是因為承建商用不合規格的劣質防火物料和內地檢測的測試報告，而不能達到屋宇署人員嚴謹的收貨標準。所以選用有口碑的承建商⾄為重要）